வெள்ளிக்கிழமை, ஜூலை 20, 2018
   
Text Size

மூன்றாவது காலாண்டாக அப்பிளின் வருமானத்தில் வீழ்ச்சி

தகவல் தொழில்நுட்பம்

article 1477489679-Apple

கடந்த ஆறு மாதங்களில், அப்பிளின் வருமானம் வீழ்ச்சியடைந்ததுக்கான பிரதான காரணமாக, ஐபோன்களின் விற்பனையில் ஏற்பட்ட வீழ்ச்சியே கருதப்படுகிறது. பத்தாண்டுகளுக்கு மேலாக, சாதனை ரீதியிலான வருமான வளர்ச்சியைப் பதிவு செய்த அப்பிள், தனது திறன்பேசிக்கான நுகர்வோர் கேள்வி வீழ்ச்சியடைந்துள்ளதை அவதானிக்கிறது.

ஐக்கிய அமெரிக்காவில், கடந்த செப்டெம்பர் 24ஆம் திகதியோடு நிறைவடைந்துள்ள நான்காவது காலாண்டில், கடந்த ஆண்டின் இதே காலப்பகுதியோடு ஒப்பிடுகையில், அப்பிளின் வருமானமானது, 9.8 சதவீதத்தால், 46.9 பில்லியன் ஐக்கிய அமெரிக்க டொலர்களால் வீழ்ச்சியடைந்ததுடன், இலாபமானது, 23 சதவீதத்தால், 9 பில்லியன் ஐக்கிய அமெரிக்க டொலர்களால் வீழ்ச்சியடைந்துள்ளது. எவ்வாறெனினும் குறித்த தரவுகளானவை, ஆய்வாளர்களின் எதிர்பார்ப்புகளுடன் ஏறத்தாழ ஒத்துப் போகிறது.

குறித்த வீழ்ச்சி ஏற்பட்டதற்கு பிரதான காரணம், ஐபோன்களின் மெதுவான விற்பனை ஆகும். கடந்த ஆண்டின் இதே காலப்பகுதியை விட 13 சதவீதத்தால், 45.5 மில்லியன் ஐபோன்களால், ஐபோன் விற்பனை வீழ்ச்சியடைந்துள்ளது. இந்த நிலையிலேயே, 2001ஆம் ஆண்டுக்குப் பின்னர், அப்பிளின் வருடாந்த வருமானத்தில், முதற்தடவையாக வீழ்ச்சியடைந்துள்ளது.

கடந்த சில காலாண்டுகளாக, வேகமாக வளர்ச்சியடைந்துவரும் சந்தையாக சீனாவே கருதப்பட்ட நிலையில், இக்காலாண்டில், அது மாற்றமடைந்துள்ளது. பெரிய சீனாப் பகுதியில் மேற்கொள்ளப்பட்ட விற்பனைகளில், கடந்த காலாண்டோடு ஒப்பிடுகையில், இம்முறை, 30 சதவீதம் வீழ்ச்சி ஏற்பட்டுள்ளது.

இதேவேளை, அப்பிளின் மிகப்பெரிய திறன்பேசியான ஐபோன் 7 பிளஸை, எத்தனை பேர் வாங்க விரும்கிறார்கள் என்பதில் அதிர்ச்சியடைந்துள்ளதாகத் தெரிவித்துள்ள அப்பிள், பிழையான கணக்கீடுகளினால், எதிர்வரும் விடுமுறைப் பருவகாலத்தின் இலாபங்கள் பாதிக்கப்படும் என அச்சம் வெளியிட்டுள்ளது. கிறிஸ்மஸ் பருவகாலத்துக்கு முன்னர், நுகர்வோர் வேண்டுகின்ற வகையில், பல ஐபோன் 7 பிளஸ் திறன்பேசிகளை தயாரிக்க முடியுமா என்பது தொடர்பில், அப்பிளின் பிரதம நிறைவேற்றதிகாரியான டிம் குக் சந்தேகம் வெளியிட்டுள்ளார்.

Share
comments

Add comment

தனி மனித, சமூக நலன் கருதி.....
***
முறையற்ற வார்த்தைப்பிரயோகங்கள், சமூக அமைதிக்கு பங்கம் ஏற்படுத்தும்
கருத்துக்கள் என்பவற்றை நீக்கும் முழு அதிகாரமும் கிண்ணியா நெட் நிருவாகத்திற்கு உண்டு.


Security code
Refresh

பதாகை
பதாகை
பதாகை
பதாகை

வாசகர்கள்..

இந்த மாதம்...18574
மொத்த பார்வைகள்...2075498

Currently are 227 guests online


Kinniya.NET