Monday, 17, Jan, 6:46 AM

 

ஜூன் 21 முதல் பயணக் கட்டுப்பாடுகளில் சிறிய தளர்வு; ‘கோவிட்’ செயலணி இன்று எடுத்துள்ள ஏனைய முடிவுகள் தோடர்பில் ஜனாதிபதி செயலகம் விடுத்த ஊடக அறிக்கை
ஜூன் 21ஆம் திகதி அதிகாலை 04:00 மணி முதல் பயணக் கட்டுப்பாடுகளைத் தளர்த்துவதற்குத் தீர்மானிக்கப்பட்டுள்ளது.
எனினும், மாகாணங்களுக்கு இடையிலான பயணக்கட்டுப்பாடுகளை தளர்த்தாத வேண்டாம் என உரிய அதிகாரிகளுக்கு நான் பணிப்புரை விடுத்துள்ளேன்.
இதே வேளை, ஜூன் 23ஆம் திகதி இரவு 10:00 மணி முதல் 25ஆம் திகதி அதிகாலை 04:00 மணி வரை, முன்னரைப் போன்று மீண்டும் பயணக் கட்டுப்பாடுகள் நடைமுறைப்படுத்தப்படும்.
அத்துடன், மக்கள் ஒன்றுகூடும் நிகழ்வுகளுக்கு ஏற்கெனவே விதிக்கப்பட்டுள்ள சட்டங்கள், தொடர்ந்தும் அவ்வாறே நடைமுறைப்படுத்தப்படும்.
அரச மற்றும் தனியார்த்துறை நிறுவனங்கள், மட்டுப்படுத்தப்பட்ட ஊழியர்களைக் கொண்டு பணிகளைத் தொடர, நிறுவனத் தலைவர்கள் நடவடிக்கை எடுக்க வேண்டும்.
அனைத்து வர்த்தக மற்றும் பொருளாதார நடவடிக்கைகள், குறைந்தளவான நபர்களின் பங்குபற்றலுடன் மேற்கொள்ளப்பட வேண்டும் என்பதையும் நான் எடுத்துரைத்துள்ளேன்
கொவிட் ஒழிப்புக்கான்சிறப்பு செயலணி இன்று முற்பகல் ஜனாதிபதி செயலகத்தில் ஒன்றுகூடிய போதே இவற்றை நான் தெரிவித்தேன்.
இதன்போது, கொவிட் அல்லாத மரணங்களை பிசிஆர் பரிசோதனைக்கு உட்படுத்துவதால், இறுதிக் கிரியைகளை நடத்துவதில் தாமதங்கள் ஏற்படுகின்றன என்ற குற்றச்சாட்டுகளை பலரும் முன்வைத்தனர்.
இதன் மூலம், உயிரிழந்தவரின் குடும்ப உறுப்பினர்கள் முகங்கொடுக்கும் பொருளாதார மற்றும் ஏனைய கஷ்டங்களைக் கருத்திற்கொண்டு, கொவிட் காரணமாகவன்றி மரணிக்கின்றவர்களின் இறுதிக் கிரியைகளை 24 மணித்தியாலங்களுக்குள் மேற்கொள்வதற்கு அனுமதியளிக்குமாறும் பணிப்புரை விடுத்துள்ளேன்.
நாட்டில் விதிக்கப்பட்டிருந்த பயணக் கட்டுப்பாடுகளை, ஜூன் மாதம் 14ஆம் திகதியன்று தளர்த்துவதற்கு ஏற்கெனவே தீர்மானிக்கப்பட்டிருந்த போதிலும்,
ஜூன் மாதம் 11ஆம் திகதியன்று, 101 மரணங்கள் பதிவானதாகக் கிடைக்கப்பெற்ற தரவுகளின் அடிப்படையில், ஜூன் 21 வரை பயணக் கட்டுப்பாடுகளை நீடிக்க நடவடிக்கை எடுக்கப்பட்டது.
அதன் பின்னர், குறித்த மரணங்கள் ஏற்பட்டுள்ள விதம் பற்றி சுகாதார மற்றும் புலனாய்வுத் துறையின் ஊடாக மீண்டும் விரிவாக ஆராயப்பட்டு பெற்றுக்கொள்ளப்பட்ட தரவுகள் குறித்து இன்று நான் விரிவாக விளக்கினேன்.
இதன்போது, சில மரணங்கள் பெப்ரவரி 06முதல் ஜூன் 11ஆம் திகதி வரையான 04 மாதக் காலப்பகுதியில் பதிவாகி, மரணச் சான்றிதழ்களும் வழங்கப்பட்டிருந்தமை தெரியவந்துள்ளது.
சில மரணங்கள் பற்றிய தகவல்கள், இரண்டு முறை பதிவிடப்பட்டிருந்தமையும் கண்டறியப்பட்டுள்ளது.
உண்மையில் - ஜூன் 11ஆம் திகதி இடம்பெற்ற மரணங்களின் எண்ணிக்கை, 15 மட்டுமே ஆகும்.
இது தொடர்பில் மேற்கொள்ளப்பட்ட விரிவான விசாரணைகளின் போது, 101 மரணங்கள் அன்றைய தினம் பதிவாகவில்லை என்பது தெரியவந்திருந்ததனை நான் இன்று விளக்கினேன்.
அதனால், தரவுகளை வெளியிடும் போது, அவை சரியானதாகவும் உறுதிப்படுத்தப்பட்டதாகவும் இருப்பது, தீர்மானங்களை மேற்கொள்வதற்கு அவசியமாகுமென்பதையும் நான் தெரிவித்தேன்.
தற்போது, சுமார் 4 மில்லியனுக்கும் அதிகமான தடுப்பூசிகள் நாட்டுக்குக் கொண்டுவரப்பட்டுள்ளன.
ஜூலை மாதமளவில், குறைந்தபட்சம் மேலும் 4 மில்லியன் தடுப்பூசிகள் கிடைக்கப்பெற உள்ளன.
அதன்படி, விரைவில் அதிகளவில் தடுப்பூசிகளை வழங்கக்கூயடியதாக இருக்கும் என்பதனை அரச மருந்துக் கூட்டுத்தாபனத்தின் தலைவர் வைத்தியர் பிரசன்ன குணசேன தெரிவித்தார்.
அமைச்சர்களான பவித்ரா வன்னியாரச்சி, காமினி லொக்குகே, பந்துல குணவர்த்தன, கெஹலிய ரம்புக்வெல்ல, மஹிந்தானந்த அலுத்கமகே, பிரசன்ன ரணதுங்க, ரோஹித அபேகுணவர்த்தன, ரமேஷ் பதிரண, நாமல் ராஜபக்ஷ, இராஜாங்க அமைச்சர்களான சுதர்ஷனி பெர்னாண்டாபுள்ளே, சன்ன ஜயசுமன, நாடாளுமன்ற உறுப்பினர் மதுர விதானகே, ஜனாதிபதியின் தலைமை ஆலோசகர் லலித் வீரதுங்க, சுகாதார அமைச்சின் செயலாளர் (ஓய்வுபெற்ற) மேஜர் ஜெனரல் விசேட வைத்தியர் சஞ்சீவ முனசிங்க, முப்படைகளின் தளபதிகள், காவல் துறை ம் அதிபர், சுகாதாரத் துறை அதிகாரிகள் ஆகியோர் இன்றைய சந்திப்பில் கலந்துகொண்டனர்.

Comment


மேலும் செய்திகள்

 

Like us on Facebook (2)

 

Our Branding Partners